कार्यकारी संपादक : विनोद कोल्हे
दिनांक12 डिसें चंदनझिरा येथील जीवनराव पारे विद्यालयात शालेय शिक्षण व क्रीडा विभाग , क्रीडा व युवक सेवा संचालनालय महाराष्ट्र राज्य पुणे, अंतर्गत जिल्हा क्रीडा अधिकारी कार्यालय तथा जिल्हा क्रीडा परिषद जालना यांच्या संयुक्त विद्यमानाने आयोजित क्रीडा सप्ताह याचा शुभारंभ जीवनराव पारे विद्यालय येथे मोठ्या उत्साहात पार पडला. याप्रसंगी कार्यक्रमाचे अध्यक्ष संजयजी गाढवे साहेब( जिल्हा क्रीडा अधिकारी जालना) प्रमुख पाहुणे प्राध्यापक हेमंत वर्मा (नॅशनल धनुर्विद्या कोच जे एस कॉलेज जालना,) तसेच उपस्थित मान्यवर मध्ये सिद्धार्थ कदम (जिम्नॅस्टिक क्रीडा मार्गदर्शक ) आशिष जोगदंड (रायफल शूटिंग क्रीडा मार्गदर्शक )श्रीमती डॉ. रेखा परदेशी (तालुका क्रीडा अधिकारी) आरती चिल्लारे उपस्थित होते. कार्यक्रमाची सुरुवात मेजर ध्यानचंद यांच्या प्रतिमेस मान्यवरांच्या हस्ते पुष्पहार अर्पण करून करण्यात आली. त्यानंतर कार्यक्रमाचे अध्यक्ष प्रमुख पाहुणे मान्यवर व शिक्षक यांच्या उपस्थित क्रीडा मैदानाची फीत कापून क्रीडा सप्ताहाचे उद्घाटन करण्यात आले. दिनांक 12 डिसेंबर ते 18 डिसेंबर या कालावधीमध्ये हा क्रीडा सप्ताह पार पडणार आहे .त्यानंतर शाळेच्या वतीने मान्यवरांचे स्वागत सत्कार करण्यात आले.कार्यक्रमाचे प्रास्ताविक श्रीमती डॉ.रेखा परदेशी मॅडम यांनी केले. त्यानंतर शाळेतील विद्यार्थ्यांनी कु.दुर्गा धोत्रे कु. कोमल सोनवणे यांनी मेजर ध्यानचंद यांच्या कार्याची आणि हॉकी खेळाविषयीची माहिती आपल्या भाषणातून व्यक्त केली .त्यानंतर कार्यक्रमाचे प्रमुख पाहुणे प्राध्यापक हेमंत वर्मा सर यांनी खेळाविषयी मोलाचे मार्गदर्शन शाळेतील विद्यार्थ्यांना केले . आरती खिल्लारे यांनी देखील आपले मनोगत व्यक्त करताना खेळातील संघटन ,चिकाटी, नेतृत्व ,हे गुण आपल्या दैनंदिन आयुष्याला आकार देण्याचे काम करत असतात. क्रीडा मार्गदर्शक सिद्धार्थ कदम यांनी देखील मनोगत व्यक्त केलं खेळ आणि व्यायाम यांचा य मिलाप घातल्या गेल्यानंतर आयुष्य आनंदी आणि शरीर देखील सुदृढ राहते आणि यानंतर या सगळ्या गोष्टीचा आपल्या शैक्षणिक जीवनात आपल्याला याचा नक्कीच फायदा होतो. कार्यक्रमाचे अध्यक्ष माननीय संजय जी गाढवे जिल्हा क्रीडा अधिकारी जालना यांनी अध्यक्षीय भाषण करत असताना विद्यार्थ्याने नियमित आपल्या आवडीची खेळ खेळले पाहिजे खेळातून शरीरामध्ये लवचिकता निर्माण होते आणि संघटन कौशल्य अभ्यासामध्ये चिकाटी आणि मन केंद्रित करणे खेळातून शक्य होते याबद्दल माहिती दिली. शाळेचे मुख्याध्यापक सुभाष पारे यानी देखील खेळाचे फायदे व महत्व याबद्दल मनोगत व्यक्त करताना सविस्तर माहिती विद्यार्थ्यांना दिली. याप्रसंगी शाळेचे मुख्याध्यापक शिक्षक शिक्षकेतर कर्मचारी व विद्यार्थी मोठ्या संख्येने उपस्थित होते कार्यक्रमास सूत्रसंचालन श्री.खंडीभराड सर यांनी केले आभार प्रदर्शन क्रीडाशिक्षक ढगे सर यांनी केले.
